香港超級餐廳 (Closed)

今日又同個6ou朋友去覓食，不過由於天氣實在太熱，我地去到金鍾灣仔一帶搵野食。去到灣仔一帶，抬頭見到呢間野個名：香港超級餐廳。個名都勁到嚇親人，我地都冇得揀，唯有去會一會。一入到去，發覺樓底超高，可以起兩層咁濟。入面好暗，好似停電咁。排位都鬆動，不過我地原先坐個位冷氣機滴水，正因咁高樓底，一滴果種爆發力令人忍受不住，之後伙記都好好咁安排我地坐另一枱。我點左個黑椒牛柳飯，熱檸水。熱檸水夠熱，夠檸檬。黑椒牛柳飯夠汁送飯，黑椒汁正常，唔會太過辣又唔會淡而無味。飯量可以，食得夠飽。埋單都係$30有多，係灣仔區真係抵到爛。誠意推介！不過6ou 朋友lunch 之後買杯咖啡都$30...真係6ou..