Video
Read full review
2023-02-07
73 views
想搵間環境靚﹑氣氛好既餐廳，朋友搵到間位於旺角既高質西餐廳 Y Dining😍 最近餐廳仲有任食青口 x 任飲啤酒優惠，CP值極高，超推薦比大家🫶🏻餐廳係旺角站A1出口附近，位置方便但好易錯過呢間小店🫣 搭lift上一樓就係Y Dining，餐廳樓底夠高，座位寬敞，好有空間感。加上燈光昏暗，枱上又放有蠟燭，成個氛圍都好好，好適合同朋友黎慶祝或情侶約會🥂🍻晚市黎到有set menu，4-courses都係$500有找~ A la carte menu就更多選擇，由前菜﹑意粉﹑意大利飯﹑海鮮﹑肉類﹑甜品都有，以咁高水準黎講，定價都算親民✅ 值得一讚既係店員親切友善，細心講解menu。而且服務周到，每食完一道菜都會幫忙換碟同餐具，仲換埋枱上熄滅左既蠟燭，認真細心👍🏻♢ 🍻𝑩𝒍𝒖𝒆 𝑴𝒖𝒔𝒔𝒆𝒍𝒔 𝑨𝒍𝒍 𝒀𝒐𝒖 𝑪𝒂𝒏 𝑬𝒂𝒕 $368 (免加一)呢個價錢可以係90分鐘內任食藍青口﹑任飲啤酒/汽水﹑任添蒜蓉包，加$20仲可以任食薯條添，真係超抵食呀🤤 見到即刻心心眼😍 不過留意返，優惠係逢星期一至四晚上先有架~ 記得提早同餐廳book位喔！藍青口肉細厚身，味道特別鮮甜，仲有4種口味可以揀：蒜
餐廳係旺角站A1出口附近，位置方便但好易錯過呢間小店🫣 搭lift上一樓就係Y Dining，餐廳樓底夠高，座位寬敞，好有空間感。加上燈光昏暗，枱上又放有蠟燭，成個氛圍都好好，好適合同朋友黎慶祝或情侶約會🥂🍻
晚市黎到有set menu，4-courses都係$500有找~ A la carte menu就更多選擇，由前菜﹑意粉﹑意大利飯﹑海鮮﹑肉類﹑甜品都有，以咁高水準黎講，定價都算親民✅ 值得一讚既係店員親切友善，細心講解menu。而且服務周到，每食完一道菜都會幫忙換碟同餐具，仲換埋枱上熄滅左既蠟燭，認真細心👍🏻
♢ 🍻𝑩𝒍𝒖𝒆 𝑴𝒖𝒔𝒔𝒆𝒍𝒔 𝑨𝒍𝒍 𝒀𝒐𝒖 𝑪𝒂𝒏 𝑬𝒂𝒕 $368 (免加一)
呢個價錢可以係90分鐘內任食藍青口﹑任飲啤酒/汽水﹑任添蒜蓉包，加$20仲可以任食薯條添，真係超抵食呀🤤 見到即刻心心眼😍 不過留意返，優惠係逢星期一至四晚上先有架~ 記得提早同餐廳book位喔！
藍青口肉細厚身，味道特別鮮甜，仲有4種口味可以揀：蒜蓉白酒汁﹑意式蕃茄﹑紅咖哩(辣)﹑刁草忌廉汁。我地就揀左頭兩款經典口味，特別鍾意蒜蓉白酒汁，味道夠濃郁，好味到可以當湯飲😋 又或者點下蒜蓉包都唔錯。啤酒更加誇張，店員捧住兩杯大約750ml既特大酒杯過黎🍻 忍唔住wow一聲！餐廳用上日本Suntory Gold啤酒，採用高品質鑽石麥芽同日本天然泉水釀造，泡沫綿密，口感幼滑豐富，完全無苦澀感。一路食青口，一路飲啤酒，簡直滋味又過癮🥳
♢ 🐟𝑪𝒂𝒕𝒄𝒉 𝒐𝒇 𝒕𝒉𝒆 𝑫𝒂𝒚 $278 (Market price)
今日想食海鮮大餐，叫個「時令鮮魚」試下先~ 廚師香煎原條金鯧魚，份量十足！魚上鋪有蕃茄泡沫點綴，擺盤好有心思。表面煎至金黃色，外皮微脆，又可以保持肉質滑嫩。
♢ 🐖𝑩𝑩𝑸 𝑷𝒐𝒓𝒌 𝑹𝒊𝒔𝒐𝒕𝒕𝒐 $168
叉燒咸蛋意大利飯，最有驚喜之作🌟 聽個名就有fusion感覺，以為係茶記兩餸飯😂？店員講解廚師係用左西式慢煮方法黎整叉燒，肉質厚身有咬口。而個risotto就用左咸蛋醬汁，每粒米飯都沾有香濃咸蛋味，入口驚豔！
♢ 🍰𝑻𝒊𝒓𝒂𝒎𝒊𝒔𝒖 $78
即叫即整，賣相吸引，係近期食過最好味既Tiramisu👍🏻 Mascarpone cheese味道香濃，口感比較挺身。手指餅既冧酒同咖啡味都超級濃郁，又保持到微脆口感，味道非常正，推介必點💫✨
Post
