人生有限杯.串燒店

Open Now

Now Closed

今日夜晚同朋友喺旺角食串燒，我地嚟左位於Deli2嘅人生有限杯.串燒店。餐廳有幾間分店，而旺角店係新開嘅。餐廳好大，好闊落，通風非常好，食完唔會成身串燒味。餐廳CP值都超高，有唔少$10、$15嘅串燒，好抵食。鹽燒西班牙五花腩 $10五花腩燒完外邊脆脆地，面頭撒滿孜然粉，食落超惹味。蜜糖燒菠蘿 $10菠蘿好juicy，好甜，再加左蜜糖嚟燒，好解膩。豚肉荔枝卷 $15依款大推！豚肉充滿油香，荔枝大大粒，好甜，好多汁，可以為油膩嘅豚肉解膩。鹽燒雞腿肉 $20雞腿肉好滑，燒完都保留到肉汁。鹽燒鮮雞皮 $20雞皮燒得勁脆，好惹味，油脂感十足。日式秘製汁炸無骨雞翼 $48依款就唔係串燒，係小食～雞翼已拆骨，炸得非常香脆，雞肉好滑。內裏仲加左大蔥，食落好夾，特別香。鹽燒牛舌芯 $28牛舌芯好爽口，有咬口，牛味濃，好有油香。韓風燒牛肋肉 $28牛肋肉配上左韓式燒汁，味道香濃，甜甜地。牛肋肉好淋，牛肉味重。鹽燒和牛牛小排 $48和牛特別軟淋，肉汁多，而且油脂較多，所以燒完後特別香。明太子忌廉烏冬 $58烏冬較幼身，食落好彈牙。明太子忌廉醬好creamy，有隻流心蛋黃，加左明太子後帶少少辣。每條烏冬都沾