Cherry Tokyo Cafe (愉景新城) (Closed)

呢間餐廳好靚，LUNCH又唔算好貴，就同朋友黎左食，叫左個帶子忌廉意粉，意粉個汁好好味，好夠味又夠傑身，口感好豐富，不過食左大半就覺得好溜。個湯都好好味，好夠料同埋飲落好足海鮮味。小食加錢要左雞餃子同埋春卷(不好意思我忘記了它是否叫春卷)，兩個都好好食，全部都好夠熱，個雞餃子好JUICY，非常好食，不過D汁好熱，要擺一陣先好食，否則啲汁會熱親個口。個春卷好脆都好好味。呢間餐廳我係絕對會再黎食多次，因為真係好食。不過叫埋小食好啲，雖然個意粉溜，但都覺得同朋友一齊SHARE埋小食先夠食，同埋先夠滿足啊！