Video
Read full review
2018-06-26
2770 views
朋友話之前食過呢間酒樓嘅火鍋唔錯，於是呢日就約咗家人嚟試吓。我哋要咗任飲任食火鍋，飲品都係自助，有汽水、啤酒、烏龍茶等選擇。我哋先要咗鴛鴦湯底，沙爹湯底好足料，有好多花生碎，好香，芫荽皮蛋湯底食到芫荽味，貪佢下吓火。另外，叫咗個重慶雞煲，呢個好惹味，辣辣哋咁，啲雞肉一啲都唔嚡。食完雞煲，就叫咗個冬瓜瑤柱鍋，呢個湯底係清甜嗰種。除咗任食配料外，餐廳會提供精選食材，呢晚我哋有金錢蠔皇花膠，冬菇入味，啲花膠好厚身好大塊，食完個嘴係黏住，正! 再嚟就係刺身拉盤，全部刺身都好新鮮，帶子好鮮甜，三文魚肥美。至尊水餃好足料，有勁多蝦粒，鮮味又彈牙! 之後就係環球海鮮盤，有海蝦、元貝、貴妃蚌、龍躉片、大青口、鱔片、魷魚同龍蝦，所有海鮮都好新鮮，海蝦好彈牙，龍躉片同鱔片都好有魚味，一啲腥味都無，貴妃蚌好厚肉，總之佢啲海鮮份量都多，又唔會將貨就價，細細隻咁，樣樣都大大件，最驚喜係呢個價錢每人都可以有幾件龍蝦，真心抵! 阿翁極級牛頸脊份量都唔少，啲牛肉有超香濃肉味同脂香，淥耐咗都唔會韌，食得出係新鮮優質貨，食到呢個 moment，已經飽咗一大半。再嚟就係任食配料，叫咗響鈴、肥牛、唐生菜、炸魚皮、鮮蝦滑、魚皮
我哋要咗任飲任食火鍋，飲品都係自助，有汽水、啤酒、烏龍茶等選擇。
我哋先要咗鴛鴦湯底，沙爹湯底好足料，有好多花生碎，好香，芫荽皮蛋湯底食到芫荽味，貪佢下吓火。
另外，叫咗個重慶雞煲，呢個好惹味，辣辣哋咁，啲雞肉一啲都唔嚡。
食完雞煲，就叫咗個冬瓜瑤柱鍋，呢個湯底係清甜嗰種。
除咗任食配料外，餐廳會提供精選食材，呢晚我哋有金錢蠔皇花膠，冬菇入味，啲花膠好厚身好大塊，食完個嘴係黏住，正!
再嚟就係刺身拉盤，全部刺身都好新鮮，帶子好鮮甜，三文魚肥美。
至尊水餃好足料，有勁多蝦粒，鮮味又彈牙!
之後就係環球海鮮盤，有海蝦、元貝、貴妃蚌、龍躉片、大青口、鱔片、魷魚同龍蝦，所有海鮮都好新鮮，海蝦好彈牙，龍躉片同鱔片都好有魚味，一啲腥味都無，貴妃蚌好厚肉，總之佢啲海鮮份量都多，又唔會將貨就價，細細隻咁，樣樣都大大件，最驚喜係呢個價錢每人都可以有幾件龍蝦，真心抵!
阿翁極級牛頸脊份量都唔少，啲牛肉有超香濃肉味同脂香，淥耐咗都唔會韌，食得出係新鮮優質貨，食到呢個 moment，已經飽咗一大半。
再嚟就係任食配料，叫咗響鈴、肥牛、唐生菜、炸魚皮、鮮蝦滑、魚皮餃及炸芋件等，響鈴芋頭索湯入晒味，肥牛都好味，雖然係任食，但質素一啲都唔差，呢餐食到勁飽呀!
埋單每人都係$300左右，食到咁多款高質食材，真心覺得回晒本!
Post
