御名園

Open Now

Now Closed

前菜是小食，有蓮子，杏仁為主，香脆可口，好過一般傳統的花生，有驚喜，勁香紫菜味。當然繼續叫個優惠組合a 餐，勁抵食。金蒜銀絲蒸蟶子好大隻又鮮甜，清蒸是最能食到蟶子皇的鮮味，處理得好乾淨，食落去唔會蒸得過火，蒜蓉油炸過，拌以粉絲一齊食，粉絲吸引了鮮味，勁鮮甜。XO 醬碧翠炒螺片螺片細嫩，很大片，再切半更加好，XO 醬本身都重鮮味，微辣，炒過後很有鑊氣，仲有很清甜嫩綠的荷蘭豆，加上黑木耳很爽口，很有口感。波士頓龍蝦焗上湯伊麵龍蝦肉質雪白，香嫩又鮮甜，食落去爽口，上湯伊麵吸收了清香的上湯及海鮮的鮮味，令人垂涎三尺。擺碟很有霸氣，整個船身碟上砌成龍蝦狀，以及蟹鉗大隻，肉嫩，而且已經弄碎硬殼，食起上來很方便。陳皮脆香燒鵝皇我同老公兩人食就叫例牌，本身想食叉燒。但見好快有燒鵝出爐就一於發辦。燒鵝外皮油光閃閃，咬著鵝皮很脆口，勁想加砂糖拌食。鵝肉算少肥膏，新鮮出爐，肉質結實，點上酸梅醬去肉膩，真係無後悔。糖心黑蒜燉響螺湯秋天天氣有點乾，飲燉湯真係能夠滋養身心。燉湯好夠熱，見到湯料很充，飲落去好香，帶有響螺的鮮味，仲有雞件，豬肉，蛋白質一定夠，黑蒜抗炎，雖然很飽，但又好想繼續飲。紅棗雪耳羹紅棗味香濃，