芋圓控

Open Now

Now Closed

之前已經聽過下呢間舖~見今晚收工後係葵芳搵食😋本身已經諗住買返屋企食，七點幾行過已經有D人，到八點幾再行過去都係咁多人😳舖頭都算易搵，就係葵涌廣場1樓，大家樂隔離~第一下睇menu，其實係想食🥭良枝甘露😂但見佢有個自選DIY，自己揀料，同埋呢間舖係出名芋圓，所以最後叫左個6款DIY😝因為舖頭幾多人幫襯，⏱食物製作需時~我落完單見仲有十碗先到我，就又行左陣先返去攞😚🍨6款自選DIY ($40 + 1)6款料本身係 $40，但因為外賣，所以加多 $1~我揀左🌸桂花凍、🍠包心芋圓、🍠紫薯圓、🍵焙茶圓、🍠蜜芋頭、🥥椰汁~本身係想攞返屋企食，但買完又費事攞來攞去了，所以最後都係係葵廣搵個位食算😝未開都已經見到好滿，所以開蓋都好小心慢慢開，費事倒到周圍都係🤦‍♀️🌸桂花凍勁多，食落唔甜，好清香嘅桂花味，幾有驚喜😳🍠包心芋圓幾得意，入面仲有蕃薯蓉😋🍠紫薯圓幾有紫薯味，煙煙韌韌~🍵焙茶圓好重茶味，好正😋🍠蜜芋頭，幾大粒，見係期間限定先叫，幾軟糯，但自己唔係太鍾意😂🥥椰汁，本身係想叫🥛4.3牛奶，但舖頭話冇晒，惟有揀椰汁😢小食幾滋味，但食多D就會覺得🥥椰汁有D膩🤦‍♀️呢碗甜品份量非常足，當飯食都得，勁飽😂