Comfy by Chef's Stage (東廣場)

Open Now

Now Closed

烤南瓜希臘芝士牛油果比高包配薯條$78 好鍾意牛油果同埋希臘芝士嘅組合，佢哋口感好相似，都係好Rich同埋各自有自己特色嘅香味。食嘅時候加埋烤南瓜成個口感好配合同埋完整。仲會加埋火箭菜做配料，火箭菜嘅獨特香味令到成個包更加立體同突出。明太子帶子忌廉意粉$138 明太子嘅鮮味好突出，同埋忌廉一齊食真係好吸引，忍唔住又食下一啖。新鮮嘅帶子煎得啱啱好，佢嘅鮮味同明太子嘅微辣味令到成個意粉食得好過癮。抹茶紅豆拿破崙配黑糖蕨餅$58 拿破崙有三層，每一層都有抹茶味嘅吉士醬隔開。酥皮烤嘅時候仲油咗一層糖，所以食落去會有淡淡嘅焦糖味。每一啖加埋抹茶吉士醬同埋紅豆蓉味道好平衡。抹茶嘅苦甘味同埋紅豆蓉嘅甜味中和咗再有埋拿破崙酥皮嘅酥脆口感，拿破崙做得好出色。