The Yell-Owl Seafood And Grill (Closed)

終於可以4 人一起相聚，補祝中學同學生日。大家都要湊仔女放學，就揀方便大家，食個午餐，簡單而隆重。朋友揸車，餐廳附近都好易有位，好方便。而且餐廳有兩張枱在戶外吸煙人士食得好自在。我們點一人一個午餐。午餐價錢由$98 至$198,選擇好多 。燒紐西蘭西冷牛扒8安士 $138 呢個價錢咁高質素邊度搵。香草燒春雞半隻 $128 可以自選兩款配菜，甜蕃薯角薯條非常抵讚甜蕃薯角，用咗焦糖去炒 。燒春雞肉質嫩滑 。雙層芝士和牛漢堡 $128 麵包烘得香脆 ，裏面和牛漢堡好大塊 。自製蕃茄汁煙肉洋蔥意粉 $108 番茄汁好新鮮 ，新鮮即炒不是罐頭蕃茄，真材實料 。另外好欣賞午餐包含餐湯，牛角包 。牛角包是新鮮香脆的。小食柚子汁脆炸雞翼 $58 有8 隻非常推介，滿分 ，好香脆熱朱古力都用心拉花。整體上真的非常滿意，住元朗的朋友都話一定會再幫襯 。