Video
Read full review
2023-04-15
170 views
創興廣場餐廳眾多，今次同朋友嚟到18樓食18樓雞煲火鍋專門店，同朋友選好套餐之後就開始我地2小時任飲任食之旅！雞煲叫左小辣，雞肉好鮮嫩，唔會煮到過老，醬汁用咗花椒、洋蔥、乾辣椒等多種香料烹調而成，食落非常之惹味而帶點麻香，令人食到一啖接一啖！但個人覺得雞煲越辣越好食，所以都幾後悔無叫辣點 。差唔多食完啲雞，就可以開始加湯底打邊爐。火鍋配料都有好多選擇，牛肉、豬肉、雞肉、蔬菜、海鮮、丸類、面類等等，仲有小食同啤酒任飲，種類非常之多！上菜速度好快，用手機落單後唔使幾分鐘就到，好有效率！火鍋配料之中，推薦百頁豆腐同鵝腸！百頁豆腐顧名思義豆腐內有好多頁，平面面積非常之大，可以吸收晒湯底精華，味道好濃郁！另外本人食火鍋嘅時候都鍾意食鵝腸，不過唔係間間任食火鍋店都有，因為成本都幾高，估唔到呢間有提供之餘，份量仲好多，鵝腸爽口又無內臟腥味，推薦！飲品有好多選擇，汽水、茶飲、自家製茶應有盡有，如果想飲啤酒嘅話就要用手機落單。最鍾意係佢呢一個雪糕吧，雪糕有兩個味道，原味乳酪同朱古力雪糕，旁邊仲有朱古力碎、餅乾碎、椰果、乳酪味爆珠，食完個雪糕非常解滯，作為飯後甜品一流！整體嚟講呢一餐食得非常之滿足，火鍋配
雞煲叫左小辣，雞肉好鮮嫩，唔會煮到過老，醬汁用咗花椒、洋蔥、乾辣椒等多種香料烹調而成，食落非常之惹味而帶點麻香，令人食到一啖接一啖！但個人覺得雞煲越辣越好食，所以都幾後悔無叫辣點 。
差唔多食完啲雞，就可以開始加湯底打邊爐。火鍋配料都有好多選擇，牛肉、豬肉、雞肉、蔬菜、海鮮、丸類、面類等等，仲有小食同啤酒任飲，種類非常之多！上菜速度好快，用手機落單後唔使幾分鐘就到，好有效率！
火鍋配料之中，推薦百頁豆腐同鵝腸！百頁豆腐顧名思義豆腐內有好多頁，平面面積非常之大，可以吸收晒湯底精華，味道好濃郁！
另外本人食火鍋嘅時候都鍾意食鵝腸，不過唔係間間任食火鍋店都有，因為成本都幾高，估唔到呢間有提供之餘，份量仲好多，鵝腸爽口又無內臟腥味，推薦！
飲品有好多選擇，汽水、茶飲、自家製茶應有盡有，如果想飲啤酒嘅話就要用手機落單。
最鍾意係佢呢一個雪糕吧，雪糕有兩個味道，原味乳酪同朱古力雪糕，旁邊仲有朱古力碎、餅乾碎、椰果、乳酪味爆珠，食完個雪糕非常解滯，作為飯後甜品一流！
整體嚟講呢一餐食得非常之滿足，火鍋配料應有盡有，我覺得最好嗰點係可以開到12點，我同朋友收工之後都8點幾，唔使怕餐廳好快last order，嚟到嘅時候都有唔少客人，走嘅時候都keep住有客人到，如果收工收得晏想搵餐好嘅，都好推薦！
Post
