馬場洞烤肉專門店 (K11購物藝術館)

Open Now

Now Closed

.突然好想韓燒，係K11搵到馬場洞烤肉，見menu都幾吸引，未有得去🇰🇷前就食左過下癮先😋【晚餐牛肉套餐 2人】▫極級霜降肉80g▫韓式調味牛肋骨肉80g▫牛膈肌80g▫牛肋骨100g▫包飯菜全牛宴😋新鮮靚牛！霜降肉同牛膈肌幾厚切，就算燒熟少少，食落都依然好鬆嫩。牛肋骨牛味濃，本身有韓式調味既唔洗點醬已經好入味。枱面有海鹽、芥末籽醬同山葵，可以灑少少係牛肉上、配生菜、泡菜一齊夾黎食，更滋味口感更豐富。配菜有冬菇、雞脾菇、翠肉瓜、茄子同菠羅，菠羅燒完好甜，加少少海鹽咸咸地仲好食。▫招牌炸雞(4件)配沙律即叫即炸，熱焫焫到仲見到煙出，炸雞炸得好鬆脆，雞肉好嫩滑，點上蜜糖芥末醬甜甜地又帶點微嗆口感，好好食。▫牛大腸 50g (+$20.0)第一次食燒熟少少，表面咬落有少少嚼勁，入面口感似一堆脂肪，幾特別。▫奇異果梳打▫柚子梳打兩杯梳打都唔錯，解渴又解膩。呢到地方好大，燒野食個陣完全冇好大油煙，食完都唔覺自己身上好大浸味。除左有幾款燒肉餐，我見仲有其他傳統韓式料理，都好吸引～ 店員們都有禮，會介紹一下MENU，上菜又快。