KLN Cafe (Closed)

今晚同朋友去左kln cafe度傾計。雖然kln cafe係喺熟食市場入面，但入面嘅環境真係好好，裝修得好靚，好安靜，好適合傾計。食物方面，客人可以揀適合自己口味嘅配搭嘅食物，例如：芝士汁，白汁，意大利粉或者飯。除此之外，餸嘅選擇亦好多，而且唔貴，如果叫左主菜，所有特飲同小食一律半價！！！ 我今次試左芝士汁意粉配温泉蛋同豬頸肉，另外加左雞翼同鮮奶抹茶。雖然個主菜份量唔算多，但食落都好飽肚，而且芝士汁同意粉mix得好好，豬頸肉亦好軟好入口至於鮮奶抹茶，個拉花真係好令😍而且唔太甜，鮮奶亦唔會蓋過抹茶嘅香味，好好飲！！總括而言，呢間cafe無論係環境定食物都好高質，值得一試