Cafe Paradise (砵蘭街) (Closed)

今日同同事去完太子做野，諗住食埋晏先返公司，上網搵到呢cafe，就黎左呢度食晏，呢度價錢合理，抵食大份，坐位坐得舒服。唉！如果公司附近都有間咁既cafe就好啦！由於冇食早餐既關系，我非常肚餓，我地叫左兩個lunch set, 印度咖哩吉列豬扒配飯同香煎三文魚黑松露蘆筍意大利飯之外，再加左個蒜香牛油白酒煮蜆。食完又要返公司搏殺過！南瓜湯-飲得出有濃郁嘅南瓜味，好足料！印度咖哩吉列豬扒配飯-炸到薯餅咁脆既吉列豬扒，配印度咖喱，咖喱點可以冇飯，淨係印度咖喱都可以送到成碗飯，食完個吉列豬扒仲有沙律菜中和返！香煎三文魚黑松露蘆筍意大利飯-綿密既意大利飯充滿着黑松露嘅香氣，再混入切碎左既爽脆蘆筍同忌廉，口感豐富，厚切既三文魚煎得夠香脆，咬落仍然juicy。蒜香牛油白酒煮蜆-上枱既時候已經聞到好香，蜆雖然細隻，但份量幾多，蒜蓉牛油🧈白油加埋洋蔥🧅入晒味，完美配搭！