盈圖

Open Now

Now Closed

同家中老人飲早茶，盈圖乃平靚正之選，值得推介！開咗鐵觀音，並非茶包貨色，而係非常濃味嘅真正靚茶葉，茶香撲鼻，入口濃郁，兩老非常滿意！叫咗三個早晨孖寶，每份$36.8，只牛肉腸粉稍為遜色，其他五個點心好好味，鳳爪排骨飯係濃濃嘅蒜香，飯粒分明，香煎蘿蔔糕有一條條嘅蘿蔔絲，潮州粉果包皮同埋筍粒花生餡嘅比例適中，比奧海城嗰兩間貴價茶樓傑出，味道亦比添好運優勝，不過入座後要等咗一陣先有夥計埋位招呼，呢個就要扣返少少分，部份點心忘記影相，大家有興趣不妨試吓，我真係覺得相當之唔錯。