點心到 (鴻星大廈)

Open Now

Now Closed

今日嚟到依間位於彌敦道嘅點心專門店「點心到」，佢嘅裝修係行現代簡約，感覺好新淨，而且地方都好大，坐得都好舒服。佢同而家嘅餐廳一樣，係採用QR code落單，但係其實都有傳統點心紙可以嗌，感覺都好方便。我哋兩個人一共嗌咗七樣食物，最基本嘅蝦餃燒賣就一定唔可以少，佢嘅點心全部都係熱辣辣蒸好，所以感覺都好新鮮，而且佢嘅點心都好大粒，但佢嘅價錢一啲都唔貴，唔到$30左右就可以有一籠點心。比較特別少少嘅，我哋就嗌咗沙薑汁淮山，加埋西芹同雲耳口感十足，不過我個人就麻麻哋西芹嘅味道😂。除此之外，佢嘅黃金流沙包都好有驚喜，雖然唔算好大粒，但係係超級流心，咬咗一啖之後爭啲啲汁都滴晒落張枱😂。佢嘅小籠包都好多汁，而且份量都好大粒。整體上，佢嘅點心份量都唔少，而且熱辣辣蒸好都好新鮮，最重要係價錢唔貴，不過就要留意番茶位每位係$5。