龍德樓 (Closed)

今日去咗何文田勝利道呢間龍德樓食晚餐。鮑魚花膠尚品煲（$148)鮑魚花膠煲採用左優質南非鮑魚，而且仲有各式各樣嘅海鮮，鮮魷、蝦、帶子、海參等等，應有盡有，而且每樣都有兩件，兩個人食就啱啱好唔使打交。椒鹽鮮魷（$88)出街食飯我經常都會叫一啲自己比較難係屋企處理嘅菜式，椒鹽鮮魷就係其中一個我經常出街食嘅菜式。呢度嘅椒鹽鮮魷做得唔錯，炸漿做得酥脆，椒鹽嘅味道都夠濃。章魚肉餅飯（$88)我哋就冇叫到白飯，取而代之嘅就係章魚肉餅煲仔飯。不過呢度嘅煲仔飯同坊間嘅煲仔飯就略有不同，佢係冇飯焦嘅，感覺比較似蒸飯，冇咁熱氣。杏汁菜膽燉白肺（$48)想潤肺就一定係飲呢個行汁燉白費，用料十足，非常之甜。日月魚燉赤肉（$48) 日月魚湯非常之清甜，想明目就一定要飲呢個湯。