日日香鵝肉飯店 (淘大商場2期)

Open Now

Now Closed

呢間日日香鵝肉飯店開得越來越多間，成日都見到好多人排隊幫襯，所以我今晚都決定去試吓。〈滷水鵝皇飯〉呢個我往返包括有鵝片、鵝腎、細鵝肝、鵝腸、鵝蛋。成個配搭都好啱我口味，每一款都有四至五件，分量十足，滷得好入味之餘又唔會好鹹，推介！〈滷水鵝肉飯〉除咗鵝片，都想試吓鵝肉同鵝片有咩分別，鵝片就比較啖啖肉，而鵝肉就多少少肥嘅部份，個人更加私心推介。〈鵝骨湯〉鵝骨湯喺出邊好少見，餐廳物盡其用，將鵝骨熬成湯，但係飲落一啲都唔淡，仲好濃味。〈滷汁油菜〉菜心唔老之餘，仲好甜，加埋秘製滷汁，食得健康之餘仲好好味。每個套餐都包滷水蛋半隻、扎肉片、豆卜、甜酸菜，甜酸菜真係好好送飯，醃得好啱香港人嘅口味，超級推介。