北料南麵 (Closed)

今日食晏嘅時候經過呢一間小店，見到佢係食麻辣既，於是就入嚟試吓。-午餐有麵同埋飯，見鋪頭名都應該係主要食麵所以我就揀咗食重慶特色麻辣肥牛麵，本身想轉米線，但係店員極力推介要食麵，所以就聽佢講，試一試。揀左微辣，點知食落都係好辣，不過辣得黎好好食，好彩叫左杯豆漿可以解下辣！麵條煮得岩岩好，唔會太林或者太硬，麵條幼身，食落彈牙，店員果然無介紹錯！-唔食辣既朋友嗌左水餃麵，豬骨湯底，估唔到個湯底都幾好味！-埋單加埋飲品都係$40，CP值高！