渝人碼頭 (Closed)

朋友好鍾意食辣，成日間唔中就會搵啲食重慶火鍋嘅店叫我地陪佢食😛 灣仔呢一間感覺上幾正宗，一於去試下。去到首先叫咗鴛鴦湯底，有重慶火鍋同埋松茸湯，重慶火鍋揀咗微辣，一上台啲香味已經傳晒過嚟，而另外一款松茸湯清清地，都幾鮮甜。打邊爐梗係叫咗靚牛牛先😛 叫咗本地手切肥牛 ($238/細) 個肉質好嫩滑好冧好新鮮，叫個細都咁多，真係性價比超高！仲有碼頭三寶 ($178)都大受歡迎。鮮黑毛肚，鮮鵝腸同鮮黃喉。全部食落去好新鮮爽口，涮一陣就食得！之後叫咗其他食物，全部都幾新鮮。水餃，四寶丸，墨魚滑，蝦滑等等都十分唔錯。另外呢間店雖然唔大，但都幾用心，淮山條有2隻顏色，排得好精緻，亦都好好味。