Video
Read full review
2022-03-11
220 views
呢排好多朋友去食壽司郎，話呢排疫情少左人排隊。我聽完佢地咁講，上星期日放假我又去食下先😆住係大西北既我，元朗廣場嘅壽司郎仲未開張，唯有走過去遠少少既天水圍分店啦，諗少天水圍應該會少人過屯門掛，好彩我估中左🤣我11點9左右去度拎飛，前面仲有26張飛，星期日黎講，實屬難得。等左9個字左右就有得入座，比想像中快。😎👍一坐低唔理三七廿一，嗌左油甘魚先！我至愛，果然新鮮夠油香。另外梳乎厘海鰻，燒牛肉係令我眼前一亮既推介。反而拖羅無其他人講到咁好。其實壽司郎嘅魚類壽司真係ok, 夠新鮮唔會有腥味。唯一唔滿意係三文魚，真係難食，好淋又無味。另外甜品一定要嗌卡斯達娜，焦糖燉蛋&凍餅&雪糕既混合體，又香又滑，我一個人可以食幾件😂雪糕就普通，香奶味但唔滑。總括嚟講壽司郎唔係最好食，但真係好抵食，性價比高，2個人食左30幾碟，連加一都係547，好抵呀真係！
住係大西北既我，元朗廣場嘅壽司郎仲未開張，唯有走過去遠少少既天水圍分店啦，諗少天水圍應該會少人過屯門掛，好彩我估中左🤣我11點9左右去度拎飛，前面仲有26張飛，星期日黎講，實屬難得。等左9個字左右就有得入座，比想像中快。😎👍
一坐低唔理三七廿一，嗌左油甘魚先！我至愛，果然新鮮夠油香。
另外梳乎厘海鰻，燒牛肉係令我眼前一亮既推介。反而拖羅無其他人講到咁好。
其實壽司郎嘅魚類壽司真係ok, 夠新鮮唔會有腥味。唯一唔滿意係三文魚，真係難食，好淋又無味。另外甜品一定要嗌卡斯達娜，焦糖燉蛋&凍餅&雪糕既混合體，又香又滑，我一個人可以食幾件😂雪糕就普通，香奶味但唔滑。
總括嚟講壽司郎唔係最好食，但真係好抵食，性價比高，2個人食左30幾碟，連加一都係547，好抵呀真係！
Post
