炯記餐室 (沙咀道)

Open Now

Now Closed

之前係炮台山食過烱記下午茶，不錯。今次行經沙咀道，又试下呢間啦。地方乾乾淨净，枱櫈整整齊齊，環境唔錯，地方唔會黏黏纳纳。Menu 以燒味為主，有手撕雞，麻辣小食，小舖餐牌算幾好，牆壁上大大仔字宣傳煙燻燒鹅，咁就要試下啦，一碟燒鹅飯$60，加杯凍/熱飲，加多$5，價錢算不平不貴啦，佐敦榕哥，CWB棋哥都係$58咁上下。碟鵝上枱都算擺得企企理理，但鹅皮己開始皺皮，唔脆唔熱，其實都明白的，最唔好係硬到死，又鞋又靱，無鵝味，皮下脂肪變白膏，似隔夜鹅多D, 唔明點解用來做招牌名？埋单走，看看店內食客叫d乜，係冇人食烧鵝的，鹅油麵就多！