Orange Elephant Thai Restaurant (博文街) (Moved) New Location

放工時間黎到大角咀，今次試下呢間泰國野，裝飾好新，環境唔迫。員工服務都幾好。8點黎到都坐到好滿。抵食既原因其中係因為呢個，星期一至日都有一款$1 野食。今日星期3，$1 既係魚！😊😊😊泰式明爐烏頭魚🐟（$1）佢一d都唔細碟，好多蔥，魚幾嫩，有個火暖住條魚慢慢食天氣凍凍地都唔怕，點埋個泰式醬，正👍🏻推介：咖哩海鮮脆包盅🍞🐙🦐（$142）平時食泰式咖哩會另外叫蒜蓉包，今次成個包連埋。佢既咖哩有水準，好味，滿瀉既汁，而個汁係有蛋花都幾濃，好足料，個包索哂d咖哩汁，超好味！👍🏻👍🏻👍🏻飛天通菜🥦 （$60）唔錯既，辣辣地幾惹味。野飲方面，啤酒，椰青，沙冰等都有。我同男朋友叫左一杯芒果特飲🍧（$34）同椰汁冰🥥（$26），唔會好甜又唔會太冰，送d重口味既餸一流。食到好飽，份量又多，真心覺得好滿足🌟走個時見到 promotion寫住每日夜晚9點後7折。真係好抵。