Video
Read full review
2010-03-16
補打返先~之前成日行過門口都未入去食過...今次借拍拖半年同中國情人節慶祝去試下~當日都幾full,好在有預先訂位乍~睇下個餐牌都有十幾個選擇,全部都係主菜,價錢由$128到$188不等,已經包埋沙律同甜品bar,可以接受~個沙律bar都好新鮮,仲有兩款湯,蝦,翡翠螺,青口,鴨胸等等,其中以螺最好味~本人就食咗兩大碟~不過啲青口就唔得...個味好差...期間隔離台個男仔食到膠,同個職員講,個職員立即將成盤菜換過,又不停道歉,態度誠懇~上咗前菜同麵包,雖然有幾款麵包,但係口感就差啲,全部都較硬..前菜每人有一碟三文魚,同埋螺肉八爪魚各一碟,份量唔算多...終於等到主菜上場啦~分別係羊架同牛扒~先講羊架,啲肉好嫩,又無'騷'味,很讚~個牛扒都好正,好軟,一啲都唔'un'~推介~!!!到甜品啦~都有好多選擇,細至一口果撻,大至chocolate fountain都有~可惜雪糕,心太軟同梳乎厘都唔係任食...好在有兩個人,可以試曬兩款~個心太軟嘅外層好脆口,甜度適中,再配上vanilla 雪糕,一絕~可惜裡面啲chocolate唔太流...如果唔係就perfect啦~個梳乎厘升好高,記得要襯熱
當日都幾full,好在有預先訂位乍~
睇下個餐牌都有十幾個選擇,全部都係主菜,價錢由$128到$188不等,已經包埋沙律同甜品bar,可以接受~
個沙律bar都好新鮮,仲有兩款湯,蝦,翡翠螺,青口,鴨胸等等,其中以螺最好味~本人就食咗兩大碟~不過啲青口就唔得...個味好差...期間隔離台個男仔食到膠,同個職員講,個職員立即將成盤菜換過,又不停道歉,態度誠懇~
上咗前菜同麵包,雖然有幾款麵包,但係口感就差啲,全部都較硬..前菜每人有一碟三文魚,同埋螺肉八爪魚各一碟,份量唔算多...
終於等到主菜上場啦~分別係羊架同牛扒~先講羊架,啲肉好嫩,又無'騷'味,很讚~個牛扒都好正,好軟,一啲都唔'un'~推介~!!!
到甜品啦~都有好多選擇,細至一口果撻,大至chocolate fountain都有~可惜雪糕,心太軟同梳乎厘都唔係任食...好在有兩個人,可以試曬兩款~個心太軟嘅外層好脆口,甜度適中,再配上vanilla 雪糕,一絕~可惜裡面啲chocolate唔太流...如果唔係就perfect啦~個梳乎厘升好高,記得要襯熱食~除咗兩個甜品要另外叫之外,雪糕都係要問先有架...嗰日有芝麻,榴槤同香蕉選,我地就選芝麻同榴槤~兩款都好正,尤其係榴槤雪糕~仲有果肉tim~!!!
再黎多個本人嘅特別推介~愛吃cheese cake嘅朋友們有福了~因為呢度個cheese cake芝士味好濃~真係一大surprise~
總括黎講,雖然唔係好完美,但係有不少驚喜,拉上補下後都係一間唔錯嘅餐廳~畢竟主菜好味,前菜差少少都可以接受~值得一試再試~
Post
