Video
Read full review
2018-08-15
1715 views
喺落雨既日子，去邊都好似變得唔方便，出街又要自己顧住自己把傘，又要顧住其他人把傘，因為一個不留神，就會俾人地把傘插中，幸運既，可能只係叫痛，唔好彩既，分分鐘會變瞎。呢個時候，呢個天氣，商場就變成佐我既庇護所，只想躲在商場裡，直至雨點慢慢停下。今日既商場選擇，正是奧海城。奧海城呢個商場，於我而言，其實無乜好行，感覺更像是一個兒童王國，因為無論去到那裡，你都唔難聽到小朋友在跑，小朋友在叫，不竟，這可算是一個屋苑商場，圍著這樓的，也盡是住宅。不是住在這裡的我，在這商場裡行走，眼中的，就只有美食。以前會在這裡的 food court 覓食，但今天卻想吃得輕鬆一點，舒服一點，最後選了這間裝潢不錯的泰國餐廳。Lemongrass 係其中一種我好鐘意既氣味，家裡也會放上 Lemongrass 的香氛，味道令人好relax ，好有 Spa 既感覺。比較可惜既係，Lemongrass 餐廳裡，其實係無 Lemongrass 既氣味既，但係就的確係一間泰國餐廳黎既。裡面既裝潢，亦都充滿泰國既色彩，以木色為主調，加上一些花草既襯托。餐牌既選擇有好多，比較震撼既會係肉蟹半價，同埋龍蝦只售$98既優惠。而其他食
呢個時候，呢個天氣，商場就變成佐我既庇護所，只想躲在商場裡，直至雨點慢慢停下。
今日既商場選擇，正是奧海城。
奧海城呢個商場，於我而言，其實無乜好行，感覺更像是一個兒童王國，因為無論去到那裡，你都唔難聽到小朋友在跑，小朋友在叫，不竟，這可算是一個屋苑商場，圍著這樓的，也盡是住宅。
不是住在這裡的我，在這商場裡行走，眼中的，就只有美食。
以前會在這裡的 food court 覓食，但今天卻想吃得輕鬆一點，舒服一點，最後選了這間裝潢不錯的泰國餐廳。
Lemongrass 係其中一種我好鐘意既氣味，家裡也會放上 Lemongrass 的香氛，味道令人好relax ，好有 Spa 既感覺。
比較可惜既係，Lemongrass 餐廳裡，其實係無 Lemongrass 既氣味既，但係就的確係一間泰國餐廳黎既。
裡面既裝潢，亦都充滿泰國既色彩，以木色為主調，加上一些花草既襯托。
餐牌既選擇有好多，比較震撼既會係肉蟹半價，同埋龍蝦只售$98既優惠。
而其他食物既價錢都非常貼地。
無骨酸辣鳳爪 $88
無骨鳳爪係其中一款我食泰菜最喜歡 Order 既菜式，因為平時食鳳爪都係比較麻煩，將D骨整到一枱都係，同埋食呢樣野唔係咁優雅，而無骨既設計就解決哂所有既問題啦。
呢碟無骨鳳爪，都幾大碟，醬料汁料已經配好哂，酸酸地，辣辣地，非常開胃。
佢既「骨」都去得好乾淨，唔會有任何既細骨，同埋D鳳爪會MIX 埋大量既泰式沙律，既清新又好味。
蟹肉炒粉絲 $118
呢碟炒粉絲，到枱既時候我心唸，噫，咁細碟既？
但係夾起既時候，原來都唔少喎，因為佢既粉絲比較幼細，所以唔似得炒河粉呀，炒金邊粉呀嗰D望落咁大碟，咁有氣勢。
面頭鋪有蟹肉，攪伴埋一齊食幾有質感，而我最鐘意既係佢既炒粉絲炒得好乾身，完成食唔到油膩既感覺，芽菜同埋洋蔥既襯托亦做得恰到好處。
鮮魚竹笙湯 $88
平時食泰菜都係飲冬陰公，今次就試D新野，同埋唔想食得太剌激，所以就揀佐款鮮魚竹笙湯。
呢碗湯既料都幾足，成碗湯基本上有一半都係餸料。
個湯底做得好濃，竹竺就吸哂碗湯既精華，食落特別可口。
鮮魚就有炸過既，肉質比較硬身，魚味唔算得上係好濃，不過有既。
食到尾聲先留意到餐廳既牆上寫住蟹做緊Promotion ，係半價既！ 真係好抵，不過已經太飽，這個機會，要留待下次啦。
Post
