豪隍點心工房 (Closed)

觀塘工廠大廈多, 美食隱世小店亦唔少, 就好似呢間點心工房, 觀塘站B1出口步行大概6分鐘, 位置雖然好似幾偏僻, 星期六早上11點黎到已經好多人等位, 呢度啲點心出名大件足料cp值高, 點心選擇多, 價錢由$23到 $50, 除咗一般點心仲有蒸飯, 米線, 小食以及港式飲品同埋特飲🥢蝦餃拼粉果(各兩粒) $34😋蝦餃相當大隻, 餃皮彈牙, 厚薄適中, 食唔到有筍, 但係蝦嘅份量非常之多, 多到啲蝦突曬出嚟, 蝦肉爽彈, 但係調味比較重手咸左啲粉果皮滑身軟淋, 但唔算厚皮, 有沙葛, 韭菜及花生 , 調味剛剛好🥢香茜牛肉腸$25😋腸粉皮比較淋身, 牛肉餡比一般酒樓多, 超足料, 啖啖都食到牛肉, 牛肉餡有香茜味亦有粒粒馬蹄, 牛肉餡唔會太淋太削, 都算有口感, 豉油就擺放左响檯面自己落, 要幾咸有幾咸🤣😝🥢蒜蓉芝士長春卷$34😋芝士味唔突出, 啱哂唔鍾意食太濃味芝士嘅我, 而佢嘅蒜蓉味就來自於炸乾蒜味, 我就比較鐘意食鮮蒜味, 另外, 蝦肉餡料少, 蝦肉亦比較乾身, 可以點番啲芝麻醬潤一潤, 同埋個醬汁酸酸地幾醒胃😜🥢蝦仁燒賣皇$25😋燒賣皇兩隻大大隻🤩, 賣皮就比較淋身, 上面隻蝦