名苑酒家 (Closed)

今日下午又去咗呢到飲菜，成十一人，但係有啲同事冇咁早，所以我哋叫咗一個4-6人餐食先。呢個餐好抵＄138，有一碟燒味拼盆，一碟小炒再加六個點心。燒味：叉燒、豬仔腳、燒鴨同燒肉(叉燒好鬆化、一貫水準、豬仔腳同事都話好食、燒鴨不太肥、燒內亦ok)小炒：叫咗一碟豬頸肉干炒河。(好好味，入味，不過豬頸肉就唔多)六個點心：其實係一個lists比你揀六款點心，大中小點都有，當然揀大會抵啲啦！食完仲有糖水送，通常係紅豆或綠豆，有時會有埋蕃薯糖水嘅！服務方面：係另人滿意嘅，阿姐做野都快手快腳！環境方面：差不多每一個位都可以睇到電視，仲有設有卡位，而每個卡位都有私人電視，都好落本吓！