Video
Read full review
2010-11-12
奇怪! 點解只有一個食評 ? ....環境 – 由於係閒日, 晚上人唔多, 全場大約有三十幾人, 由於人少, 食得好舒服... 但覺得燈光比較暗. 午餐時其實都黎睇過下有咩分別, 午餐時比較多人, 可能係附近返工既人吧... 無海鮮冷盤,其他都差唔多...食物方面, 今期主打意大利風情, 但唔知做到幾時... (5分為滿分)熱盤 (3分) : 其實種類唔多, 蒸魚柳/雞件/牛/雞翼/西蘭花/意大利pasta／白飯／炒飯/中西湯…還有其他,唔記得啦.蒸巨魚 (5 分) : 巨型比目魚 (個樣好似左口果種), 先出下半身, 俾人食完後再推出上半身, 我諗條魚總長有接近20吋, 我味見過呢種魚有甘大條, 魚肉又滑又肥, 超好味.意大利薄餅 (3 分) : 有兩款, ok la...芝士 (3 分) : 有四五款不同的芝之, 我個人唔係好識欣賞, 不過蜜糖+芝士尼種食法幾特別...鐵板燒 （３分） :即叫即煎，有羊架／腸／魚／牛肉．．．．羊架好新鮮即炒意大利粉（４分）：好多唔同意
環境 – 由於係閒日, 晚上人唔多, 全場大約有三十幾人, 由於人少, 食得好舒服... 但覺得燈光比較暗.
午餐時其實都黎睇過下有咩分別, 午餐時比較多人, 可能係附近返工既人吧... 無海鮮冷盤,其他都差唔多...
食物方面, 今期主打意大利風情, 但唔知做到幾時... (5分為滿分)
熱盤 (3分) : 其實種類唔多, 蒸魚柳/雞件/牛/雞翼/西蘭花/意大利pasta／白飯／炒飯/中西湯…還有其他,唔記得啦.
蒸巨魚 (5 分) : 巨型比目魚 (個樣好似左口果種), 先出下半身, 俾人食完後再推出上半身, 我諗條魚總長有接近20吋,
我味見過呢種魚有甘大條, 魚肉又滑又肥, 超好味.
意大利薄餅 (3 分) : 有兩款, ok la...
芝士 (3 分) : 有四五款不同的芝之, 我個人唔係好識欣賞, 不過蜜糖+芝士尼種食法幾特別...
鐵板燒 （３分） :即叫即煎，有羊架／腸／魚／牛肉．．．．羊架好新鮮
即炒意大利粉（４分）：好多唔同意大利粉的種類及配料，可自由配搭，之後即抄俾你．．
冷盤－魚生（４分） : 只有兩種，三文魚／不知名白色魚生，魚生我只係食三文魚，所以種類少對我黎講唔係問題．．
三文魚很新鮮，很肥．．
冷盤－壽司／冷面（３分）：有四五款，無咩特別．．
冷盤－長腳蟹腳（３分）：一般, 間間酒店既味都差唔多
冷盤－蝦（２分） ：肉質彈牙，都好鮮甜, 但無挑腸，好多沙
冷盤－蠔（４分） ：細細仔，唔係肥大果種，但好鮮甜
冷盤－螺仔（４分）：都幾大隻，幾彈牙及新鮮
冷盤－蟹（４分） ：外國果ｄ巨蟹（蓋面約８吋濶），唔知叫咩名，蓋／鉗／身已分開，
部份蟹蓋入面的膏都到你唔信，當然好高膽固醇啦．．
沙律吧（３分） ：一般
甜品 ：朱古力噴泉（３分）／兩款雪糕（士多啤利比雲呢拿好食）３分／其他一般的cake仔（３分）,
全場最好食既甜品係Tiramisu (5分)，酒味好重．
飲品（４分） ：橙汁／可樂任飲
總結：以宜家既物價，$200/成人, $100/小童(已打八五拆)黎講, 我覺得很超值，所有visa/master都有八五折, 唔駛煩....
雖然種類唔係太多，但好多都好新鮮，而且好快補回食物，源源不絶, 人又少, 唔駛迫, 唔駛爭....
我諗位置係佢最大既缺點! 對於西環友黎講當然很方便, 但對於區外人, 由於無地鐵到, 係有d唔方便...
Post