Oh Food 清真阿拉伯料理 (Closed)

地方細細, 位於舊式商廈十一樓, 夜晚嚟食, 大廈門閂咗又無對講機, 惟有打電話上去, 店員叫人落嚟開門.... 上到去地方不大, 人唔多, 可能因為太隔涉....如果唔係真係唔知有啲咁o既好野.... 店員同廚係中東人, 老細我諗係中國人... 餐牌過咗膠, 可以用marker 响上面點菜, 都算環保... 叫咗兩個set dinner, 有晒頭盆, 餐湯, 主菜, 甜品及飲品, 都係每個$98, 好抵!頭盆:鷹咀豆泥 - 豆茸入面有麻醬香同橄欖油, 好香口, 加埋中東包一齊食, 好味阿拉伯沙津 - 番茄生菜加青瓜, 人人食過笑哈哈.... 無乜特別, 不過好fresh...餐湯:磨菇湯 - 好濃, 好似食cream 咁....阿拉伯什菜湯 - 什菜湯入面有米粉, 好濃味主菜:羊肉粒配阿拉伯飯 - 羊肉幾香, 阿拉伯飯係白飯加咗細麵同羊脂香料一齊煮, 好香軟...羊肉kebab 配阿拉伯飯 - 羊肉kebab 好香有羊味, 好食!甜品:中東朱古力油條 - 有啲似朱古力冬甩, 普通...Milk Curd - 甜甜地有奶味, 上面加咗啲開心果碎, 幾好味....飲品:apricot 特