銀咖哩 (Closed)

今晚又係同Mr.J喺將軍澳食晚飯，行過Popcorn嘅Foodcourt見到銀咖喱個富士山咖喱飯好有趣，所以就決定食依個喇，兩個人食應該差唔多。1.5kg嘅富士山咖喱飯放喺眼前真係幾震撼，因為份量超大。配料有好多，例如吉列豬扒、煎蛋、腸仔、漢堡、芝士、奄列蛋等，兩個人食就最好。吉列豬扒係脆皮的，不錯。奄列蛋就差咗少少，份量唔夠多同唔夠滑。至於咖喱汁方面，裡面會有啲肉碎同薯仔粒，幾好味，不過因為真係太多飯，啲汁根本唔夠用嚟撈飯。除咗富士山咖喱飯，仲另外加咗個炸薯角同汽水(共$9)。個炸薯角幾好食，感覺係即炸嘅。今晚兩個人總共用咗$84就食到超飽喇，真係好抵食。