臨記車仔麵 (Closed)

之前黎過一次，黎開呢頭再返黎幫襯。上次食吾到油炸鬼豬扒，今次打一心黎食，點知餐牌改哂！呢到自助形式，收銀處買野食，等叫號拎野食，食完記得自行放哂回收餐具架到。要等成十幾張單先輪到我，不過速度都快既15分鐘就有得拎。【自製鮮竹卷】$10即叫即炸，外皮勁香脆微硬，內餡有筍、木辟、紅蘿蔔同肉，勁鮮甜多汁。【五香牛腩河】 $30牛腩有成6、7件，份量好足先$30蚊碗！仲要牛腩鬆軟腍滑，充滿香料味。【五寶湯河】 $33魚片、魚皮餃、墨丸、牛丸、紫菜，魚片吾會好薄，幾有魚味，口感微彈。【香脆炸魚皮】$17炸魚皮系現成既，不過浸入湯底吸收哂精華，又脆又軟既口感好正。【凍奶茶】&【凍檸茶】加$7