Mee...lemongrass (Closed)

而家食飯越嚟越貴，閑閑哋食個茶餐廳都一百幾十，有時想食好少少我就會嚟呢間餐廳，價錢合理但可以食到比較正完的馬來西亞菜色。再加上喺正屋企樓下，選擇又多，所以真係成日來。我最鍾意食佢嘅海南雞飯，雞油飯又香，雞夠嫩滑，有雞味，雞皮做到QQ口感，食完唔會成口油。成個餐有湯又有菜，湯仲要好足料又唔會太咸，好好味。成個餐都係幾十蚊，非常超值又抵食，仲要好味。除咗海南雞飯我老公最鍾意食厚切蜜汁豬扒撈檬粉，豬扒大大嚿，蜜汁燒到個表皮香脆又有少少甜甜地，最好成仲要份量夠，大大碟粉一個男人食完都話飽，每一口好多配料一齊食，配埋甜甜辣辣嘅醬汁，好食又開胃。