薩莉亞意式餐廳 (中染新城) (Closed)

因為夜晚要去食放題，所以中午黎食d小食，平平地。13:00 左右黎到都幾多人等飛，我地兩個人等10張飛，但等左15分鐘左右就入得，又唔算好耐。煙三文魚冇餐牌張圖咁大塊，可能呢隻碟太大，但煙得好香，好食。$10兩塊蒜蓉包，蒜香唔太重，亦都冇咩鹹味，焗得唔夠脆，但係$10算係咁。芝士非常多，同煙肉薯角好夾，芝士控必食。$32 有8隻原味雞翼，可惜唔夠熱，皮唔脆。最後埋單$85，唔加一，非常抵食，但係只收現金，記住帶錢呀。