日牛涮涮鍋專門店 (Closed)

香港人就最鍾意打邊爐。基本上不論冬天定係夏天。都總有機會打到邊爐。有時同朋友食開有啲想食辣嘅湯底。有啲又唔想食辣嘅湯底。傳統酒樓打邊爐就兼顧唔到呢樣嘢。日牛嘅打邊爐主張一人一鍋，即係每個人都可以食到自己鍾意嘅湯底之餘。亦都可以享受打邊爐嘅樂趣。唔好以為呢啲任食打邊爐嘅食物就會將貨就價。我想講佢提供嘅肉好多都好新鮮。特別係佢提供嘅牛。食得出唔同層次嘅牛係有唔同嘅味道。咁當然越高級嘅牛就越好食啦。而且自助吧嘅配料亦都非常充足。基本上亦都會令人花多眼亂。整體來講成個邊爐係好食嘅。