燈籠滷味 (登龍街) (Closed)

之前星期六12:00 諗住黎食，已經要排長龍，放棄左，今日星期四12:15 黎到唔使排隊，即刻衝入去😂但係到12:20 出面已經排緊10個人，真係誇張。坐底左，自己填紙落車，基本上台面得筷子、匙羹、落單紙，冇水冇紙巾，不過問侍應佢會俾你，等左大約5-10分鐘就有野食啦。我今次叫左油麵，連滷水湯底幾好食，唔會太乾或太鹹，不過餸既份量偏少，豬耳都有4-5條，花枝丸佢剪開半粒俾俾，夾埋應該2粒，鴨血就明顯地薄，應該又係一舊切開幾片，但麵既份量就足。成個麵既精粹係個滷水湯底，成間店都係個隻味，又唔太鹹，埋單$46，又幾抵，份量再多少少就好，下次再幫襯。