Boring?! (新都會廣場) (Moved) New Location

位於新都會廣場入面，係假日晚餐時段去食，因為早所以都唔駛排隊就可以入座，但過左630就開始多人，所以最後早啲去食。餐牌選擇都算多，但最抵食應該係個set dinner menu, 任你自由配搭A+A, A+B, B+B, 咁揀，無謂透一個配搭都可以免費享用一款小食，性價比高。我地揀左豬豚扒，同埋墨汁risotto, 再揀左青口為小食。首先青口都有好多隻，味道都正常，係有一兩隻有小小殼碎，同埋嚴佢重味左小小，但overall還好。至於墨汁risotto就比較失望，蝦得一隻，成個risotto無其他餸…而且味道較淡，其實飯既texture係ok, 偏硬身，可惜真係太小餸同無咩味，食食下真係太dry都唔太想食…但豬豚扒真係出乎意料之外地好食！豬既肉質偏淋，幾有口感，唔會鞋，配有小小肥膏好perfect, 而且蘋果蓉亦好重玉桂味，呢個推薦！整體都幾抵食，而且份量算大，可以一戰。