佳佳餐廳

Open Now

Now Closed

作為大埔街坊，相信好多人都會嚟過大元邨平台搵食。呢到食店林立。絕對係搵食嘅好地方，而且價錢實惠。好多係附近做野嘅人午餐都會選擇嚟到呢到。今日去左佳佳到食午餐。首先點左個咸蛋肉餅飯。講真份量非常合理。肉餅食落唔會淨係得肥膏。肉餅肥瘦均勻。而且唔會過熟。食落口岩岩好。咸蛋亦都好香。一口白飯，一口肉餅。配合得岩岩好。之後就清清地食個白菜魚肉飯，魚肉唔會有碎骨。岩晒老人家同小朋友食。白菜仔亦都好爽甜。食得肉多都要食下菜。兩個人最後食左百零蚊鬆啲。價錢都算合理。味道同份量都對得起個價錢。