紅米 (華都商場) (Closed)

抵食晚餐住得咁近屯門夜晚就梗係喺屯門食埋先返屋企啦，所以去咗新都嗰度食返個晚餐先返去沖涼。嗰度啲嘢食大件夾抵食，叫到好似放題咁買單大概$271左右，平均每個人$136左右。極上鮑魚花膠花菇滑雞湯飯$58白飯嘅份量好多，雖然已經叫咗小飯，但仲係覺得都幾多，哈哈。鮑魚花膠雞湯嘅湯底幾好飲，攞嚟做泡飯好養生。花膠都幾有彈性咬口。鮑魚真係有鮑魚，哈哈，冇花冇假。成個泡飯$58仲有嘢飲真係幾抵。邪惡燒芝士玉子燒$48燒汁同沙律醬同埋玉子燒嘅配搭味道都幾夾，仲要有紫菜同埋柴魚絲，賣相都幾靚。蜜糖柚子烤雞翼六隻$38雞翼有三隻同埋六隻可以揀，因為我哋兩個都鍾意食嘅嘢，所以直接叫咗六隻啦，哈哈。蜜糖烤雞翼唔使講都知係咩味道，要有埋柚子醬，味道都好夾嘅。招牌王牌雜扒飯$99另外加咗$20，有埋紅湯同埋牛角包同埋沙律。個蒜蓉汁都幾惹味。又有雞扒又有豬扒，仲要有埋司華力腸同埋煙肉，食完都好飽，每一啖都啖啖肉。上枱嘅時候熱辣辣，啱晒啲食肉獸，嘻。