熊本牛鍋 (永勝商業中心)

Open Now

Now Closed

又去打邊爐🤣🤣數唔清近排打咗幾多次。今次呢間位於尖沙咀山林道，原來嗰度好多火鍋餐廳，我哋揀咗-熊本牛鍋☺️佢首先係食雞煲，佢即整嘅，所以等咗一陣，其間侍應叫我哋去攞小食食，有炸雞同薯條，服務好好。雞煲好味喎，啖啖肉，好入味，仲有鮑魚、蝦同蜆😍好足料。仲有芋頭，仲加咗好特別嘅紫薯同蕃薯，越煮越入味，好甜。食到夠，之後就加湯打邊爐，佢會攞三碟肉俾我哋，有牛小排、牛頸肩同豬，可以無限任加。當中最好味係牛小排☺️其餘嘅丸、菜、餃之類嘅食物就係出面自己攞，最後仲有甜品同埋雪糕，食到好飽好飽。餐廳唔算大，有興趣就最好打去book定位先，200幾蚊食到咁多嘢真係好抵。