MOO MOO

Open Now

Now Closed

美式漢堡店MOO MOO 位於觀塘food court內，美式裝修風格，餐廳不大，但坐得都好舒服，而且仲可以坐露天位或者food court位置。經典之堡每次必食，真材實料嘅新鮮手打牛肉，煎到好香但一啲都唔油膩，厚身及juicy，麵包外脆內軟，裡面夾著爽口生菜、新鮮蕃茄同芝士，加埋餐廳特制醬汁，真係好正。滋味雞堡 雞肉厚肉又大塊，咬落嫩滑又多汁，配埋外脆內軟既麵包，再加埋其他配料及醬汁，都一樣咁好味。芝士肉醬薯條份量唔細，粗身嘅薯條炸到金黃香脆，舖滿香濃的肉醬和芝士醬，非常邪惡但好好食。燒豬頸肉沙律 $54揀咗千島醬，酸酸甜甜比較開胃，沙律菜都好多同埋好新鮮爽口，仲有好多塊烤過既豬頸肉，唔錯。