Video
Read full review
2022-09-26
2578 views
話說今日有d野出城搞，處理好都4點幾就行下荃灣海之戀睇下有咩食順便當埋晚餐，見到呢間日本品牌既牛繁燒肉店仲有午餐，而且仲有1人餐價錢都唔貴，就入去試下啦。餐廳面積都算幾大，大約都有20張枱，有4人枱有8人枱，由於果陣係大約5點左右人餐廳人唔太多，大約3-4枱客左右。呢間餐廳都係用QR code落單，咁我就慢慢睇下餐牌食乜，有樣幾好既就係每份餐或單點都有得揀個份量，想食多款既可以每樣揀50g，想某樣野多d就揀150-200g，比較彈性，我就揀左個牛胸花1人餐100g，另外再加牛肩胛同雞頸肉各50g。先黎左個湯，前菜同飲品，湯就唔係麵豉湯，係d日式蛋花湯，配料有冬菇蘿蔔各1小片，湯黎講我覺得就只有咸味無乜特別，前菜就有d麻油芽菜同另一隻唔知乜菜，好香麻油味，都好爽口，而且份量唔少差唔多1個飯碗咁多，飲品要烏龍茶唔洗加錢，成個啤酒杯咁大杯，呢個套餐都幾抵食。飯黎講都係珍珠米，店家聲稱係用秋田小町米，煮得岩岩好，飯碗唔係好大大過裝前菜個碗少少，如果定食飯可以任裝就好啦。薄切牛胸花牛胸花半肥瘦，100g大約有4大片，脂肪比例都幾多，選餐果陣有得揀咩醬汁黎調味，我全部都揀店家推薦既，牛胸肉燒完都好
餐廳面積都算幾大，大約都有20張枱，有4人枱有8人枱，由於果陣係大約5點左右人餐廳人唔太多，大約3-4枱客左右。
呢間餐廳都係用QR code落單，咁我就慢慢睇下餐牌食乜，有樣幾好既就係每份餐或單點都有得揀個份量，想食多款既可以每樣揀50g，想某樣野多d就揀150-200g，比較彈性，我就揀左個牛胸花1人餐100g，另外再加牛肩胛同雞頸肉各50g。
先黎左個湯，前菜同飲品，湯就唔係麵豉湯，係d日式蛋花湯，配料有冬菇蘿蔔各1小片，湯黎講我覺得就只有咸味無乜特別，前菜就有d麻油芽菜同另一隻唔知乜菜，好香麻油味，都好爽口，而且份量唔少差唔多1個飯碗咁多，飲品要烏龍茶唔洗加錢，成個啤酒杯咁大杯，呢個套餐都幾抵食。
飯黎講都係珍珠米，店家聲稱係用秋田小町米，煮得岩岩好，飯碗唔係好大大過裝前菜個碗少少，如果定食飯可以任裝就好啦。
薄切牛胸花
牛胸花半肥瘦，100g大約有4大片，脂肪比例都幾多，選餐果陣有得揀咩醬汁黎調味，我全部都揀店家推薦既，牛胸肉燒完都好多脂走出黎，肉味唔算好濃，口感就豐富d。
薄切牛胸花
158 views
0 likes
0 comments
特選薄切肩胛片
50g有3大片，牛肩胛肉味會比較濃d，口感都比較實d，油脂都有，同牛胸花係唔同既口感。
特選薄切肩胛片
113 views
0 likes
0 comments
日本雞頸肉
雞頸肉50g大約有6條，口感嫩滑，有少少筋，雞味都幾突出，嫩滑既雞肉加少少筋口感非常豐富。
日本雞頸肉
90 views
0 likes
0 comments
枱上另有即磨既岩鹽同黑椒俾你調味，仲有辣椒油，另外侍應拎俾你果2款醬汁分別係燒肉汁同溝得比較稀既韓式甜辣醬，個人覺得就咁用黑椒鹽已經好好食。
整體黎講環境同食物質素都唔錯，價錢都唔算貴但就要加一，選擇食物可以揀份量所以就算1個人黎食都可以試多幾款野，而服務方面就店員都比較木，由入店入坐開始都無乜聲，包括d肉上枱時都無講呢款係乜肉，如果作為日本品牌餐廳黎講呢方面就比較差，係食完收碟果陣有位男侍應叫做有禮貌d，有問需唔需要收起d野同問需唔需要飲水，呢part先似返d日本餐廳應有既服務態度。
Post
