蠔站 (將軍澳中心) (Closed)

俾我地發現到呢間餐廳做梗生蠔promotion ，二話不說就即刻過黎食晚飯✌️雖然特價，但生蠔質素仍然好好，新鮮而且都算厚肉。每隻只需$10，真係好抵🙌🙌我地叫左成打😀😀😀另一樣必點嘅係自家製蟹餅，外層酥脆，內裡塞滿蟹肉，好味😋軟殼蟹扁意粉配上濃郁滑溜嘅咸蛋黃醬，更加惹味之餘比配一般白汁更有風味。墨西哥辣椒意式牛肉丸少少辣味比一般番茄醬更開胃，手製肉丸牛味出。每一道我地都食到lam lam 脷😋總體而言，價錢抵食，平日黎食都幾多人。