蠔站 (黃金廣場) (Closed)

我地本身唔係太好生蠔，平時見出面正常都要幾十蚊隻，所以好少食，但聽人講呢度有10蚊隻生蠔，好似幾抵就過黎試下😂今次叫左半打生蠔，蒜蓉包，香蒜辣椒欖油扁意粉同辣肉腸pizza生蠔雖然只係10蚊隻，但唔係超細隻果d，size絕對唔失禮，一口份量亦都食到肉質感，即開即食好新鮮😍試完個生蠔，再食下佢d熱盤。蒜蓉包有成6塊咁多，每塊都有放芝士係面去焗，幾有心思，而且每塊都焗得好鬆脆香口，非常開胃💯扁意粉份量適中，個粉煮得都幾煙韌，亦都好掛汁，香蒜味入晒個意粉度，啖啖食落都係蒜油香味👍辣肉腸pizza個餅底鬆脆，容易切亦都容易咬，上面既芝士同辣肉腸都算足料，食晒成個好滿足🙈