Amour Corner (Closed)

在這10月尾的日子約了朋友在旺角食飯，經朋友推介就來試試。店舖雖細，但坐得都舒服最啱二人世界。餐牌選擇唔算多，但由頭盤到甜品都相當豐富。我們叫一客6隻生蠔（$128），分別美國、南非及愛爾蘭，服務員細心提醒由淡到濃味，生鮮非常鮮美。之後再叫抵食經典二人晚餐（$328）頭盤3選2, 餐湯、沙律, 主菜7選2, 加埋甜品及餐飲都係$328。食完生蠔上咗2款頭盤: (1) 青平果鵝肝多士 - 鵝肝燒到表面香脆，加片鮮青蘋果片減咗鵝肝油膩, 好美味; (2) 迷你芝士拼盤 - 有三款芝士，最濃郁就係藍芝士，最啱鐘意芝味一族。餐湯係蘑菇湯 - 好多蘑菇蓉, 可惜食完芝士後, 變得淡味咗；傳統凱撒沙律 -d菜好新鮮帶小小酸可以清洗口腔再去食主菜。主菜我哋叫咗 (1) 燒醬烤原味豬肋骨 - 香口惹味, 肉質嫩滑, 燒得啱啱好, 食指大動, 建議趁熱食;(2)波菜汁煙三文魚意粉 - 味道適中煙三文魚分量足, 意粉煙靭有𡁻口。最後甜品 - 士多啤梨醬配牛奶果涷, 餐飲 – 即磨咖啡。呢一餐食咗2個鍾, 仲有好多時間傾偈, 埋單找數連加1, 每人都係$251, 真係幾抵食。