Video
Read full review
2018-09-05
277 views
當晚我同男朋友想食d暖胃飽肚d嘅晚餐，係新港城行來行去都未決定到。經過莆田，有個店員企門口，笑笑口同我地講有二人套餐，又抵又好食。印象中，我今年年頭都食過一次莆田，記得佢道「百秒黃花魚」好食。咁就唔駛再諗喇！食莆田！*Menu係一本厚厚的硬皮書。食物款式多，而且附有菜式圖片供人參考～*枱面擺左今期推廣的紅菇，店員話係補血好食物。但我今次無試。莆田係新加坡+福建菜，店入面都比較少年青人面孔，大多食客都係家庭／職場人士。讚一讚佢：無論座位、環境都幾舒適。但眼見樓面就比較少。雖然閑日+時間早，食客較少，但係店員都係好似好忙咁（現在好多食肆都係咁，難做難做）。今晚我地叫左個二人套餐（$338，未加茶芥加一），餸菜有：水晶豬蹄凍、百秒黃花魚、金湯時蔬、風味酥棗；主食（自選五選一）：莆田滷麵／興化炒米粉／包菜飯／媽祖麵線／漁民紫菜燜飯；最後甜品：芋圓花生湯。餐前小食「菜甫」（個人希望係水果／木耳）。因為菜甫唔岩我地胃口，食左幾舊就放埋一邊。*水晶豬蹄凍一開始上左「水晶豬蹄凍」先～ 豬蹄凍，廢話講句，即係冷盤啦！口感爽滑，但就唔係好彈牙，因為質地比較軟身，唔係好硬，有d似Jelly。豬蹄凍細細粒，淋
*Menu係一本厚厚的硬皮書。食物款式多，而且附有菜式圖片供人參考～
*枱面擺左今期推廣的紅菇，店員話係補血好食物。但我今次無試。
莆田係新加坡+福建菜，店入面都比較少年青人面孔，大多食客都係家庭／職場人士。讚一讚佢：無論座位、環境都幾舒適。但眼見樓面就比較少。雖然閑日+時間早，食客較少，但係店員都係好似好忙咁（現在好多食肆都係咁，難做難做）。
今晚我地叫左個二人套餐（$338，未加茶芥加一），餸菜有：水晶豬蹄凍、百秒黃花魚、金湯時蔬、風味酥棗；主食（自選五選一）：莆田滷麵／興化炒米粉／包菜飯／媽祖麵線／漁民紫菜燜飯；最後甜品：芋圓花生湯。
餐前小食食「菜甫」
$9
21 views
0 likes
0 comments
餐前小食「菜甫」（個人希望係水果／木耳）。因為菜甫唔岩我地胃口，食左幾舊就放埋一邊。
水晶豬蹄凍
15 views
0 likes
0 comments
一開始上左「水晶豬蹄凍」先～ 豬蹄凍，廢話講句，即係冷盤啦！口感爽滑，但就唔係好彈牙，因為質地比較軟身，唔係好硬，有d似Jelly。豬蹄凍細細粒，淋左醬汁，感覺幾得意、開胃，但就有少少難夾。如果下次散嗌，我都會再叫返呢道菜。
金湯時蔬
14 views
0 likes
0 comments
然後就上「金湯時蔬」。時蔬蒜頭味唔係好重，湯汁黏黏地咁，同平日茶記食的口味有d唔同～上菜時餸菜暖熱岩岩好，仲冒緊少少熱煙，熱辣辣好好食。男朋友好鐘意咸蛋黃的味道，佢覺得好好食，食左大半碟哈哈。
莆田滷麵
7 views
0 likes
0 comments
莆田滷麵
12 views
0 likes
0 comments
五選一主食我地揀左「莆田滷麵」。一碗麵有１２種食材，有菜有肉有海鮮有豆卜。由於Menu話係bestseller，累計銷量３０萬份。所以，叫的時候唔多唔少抱住少許期望。但實物同餐牌出入都幾大（有圖有真相）。滷麵味道一般，好似平時食團餐農家菜咁，材料唔係特別鮮，味道亦無乜層次。下次來唔會再食。
風味酥棗
20 views
0 likes
0 comments
*風味酥棗（咬開後）
食食下滷麵，「風味酥棗」都到喇。到之前好好奇究竟係咩風味酥棗，原來係炸魚球。魚肉同蔬菜餡炓拌埋一齊，包一層薄薄的腐皮，表面炸漿炸到脆卜卜。香口野，好邪惡。好在叫左菊花茶，可以清清熱～
百秒黃花魚
9 views
0 likes
0 comments
*百秒黃花魚
主打的「百秒黃花魚」最後先上。其他食評都有提到，呢道餸獲得米芝蓮一星嘅殊榮。之前第一次食莆田，都係為左試試呢條魚。當時唔知，慢慢食，食食下浸到條魚老左，肉質變「鞋」左。今次識喇，就快快手、密密食。廚房將魚身劏開一半（快熟，嫩d呀嘛！），有熱湯（離唔開薑同蔥）浸住。魚肉又滑又鮮甜，完全唔腥。魚骨比較少同幼。重點係一人一條！係一人一條！
芋圓花生湯
22 views
0 likes
0 comments
芋圓花生湯
11 views
0 likes
0 comments
*芋圓花生湯（近鏡）
全晚最後一樣係甜品「芋圓花生湯」做完結。當時其實已經食到好飽，但都係成碗食哂，一滴都唔剩。花生飲落好清香，係煮熟左的花生味道。芋圓拌有溶溶地的花生同花生碎。個人略嫌芋圓口感太黏。唔係煙un彈牙個種黏口，而係煮得太耐，溶哂個種黏。如果芋圓控制下，改善返會更好。
Other Info. :
莆田滷麵同芋圓扣左少少分，整體味道扣一粒星～
(The above review is the personal opinion of a user which does not represent OpenRice's point of view.)
Post
