元札幌拉麵 (宇晴軒商場) (Closed)

好耐冇食過日本野，又費事食隔離嗰間連鎖日本野因為麻麻哋😂所以就揀咗呢一間拉麵店，鋪頭都幾大，而且平日夜晚都幾多人，相信係性價比超高嘅街坊生意！menu有超多選擇，我哋懶得揀就揀左個二人餐，$228咋，因為有兩個主食同埋三個小食，我哋揀咗拉麵同埋滑蛋豬扒飯，小食要左炸雞，燒牛舌同埋串燒。牛舌賣相有d怪，因為平時一串串😂不過佢呢個份量應該多過平時嘅串燒，而重點係佢切得唔厚所以肉質仲係好彈牙，燒得唔錯！另外嘅串燒都幾好食尤其係雞軟骨！炸雞好熱好大舊，正！主食就普通d，小食驚喜好多！👍🏿👍🏿👍🏿