時新漢堡飽 (Closed)

平時間中會去黃埔，時新係其中一個選擇。今晚同朋友一齊去，點咗個二人餐，有餐湯、飲品、漢堡包、小食同埋甜品，好抵食！2人套餐（＄148加3）餐湯可以揀羅宋湯或者忌廉湯，羅宋湯有少少辣咁朋友飲，忌廉湯就甜甜地，粟米粒都唔少~漢堡一個揀咗豬肉芝士包，另一個係牛肉蛋包，兩個都配時新醬。塊漢堡依然係新鮮又多汁，配埋時新醬好味道！雞全翼一隻炸一隻滷水，滿足我同朋友唔同既要求。炸薯條拼脆雞粒兩樣都熱辣辣香噴噴，好味！飲品就點咗熱好立克同凍檸茶少甜。甜筒係朱古力味既，簡簡單單，為今晚既晚餐作結。