秋千.在 (Closed)

上網見到幾多人讚呢個Christmas set, 見啲野又幾岩食, 一於得閒黎試下😚 價錢$398/2person, 加一之後總共$438. 聖誕呢個價錢黎講個人覺得都算抵食😋仲包2杯飲品，坐低之後等左大約15分鐘就有野食，睇落樣樣都好靚，同張相一樣，聞落仲好香😝要推薦佢地個伯爵茶鬆餅！好好食！岩岩焗完出黎，仲係外脆內軟，一啲都唔乾，食落帶有少少伯爵茶+牛油味，如果有得散買一定會買走🥲栗子撻真材實料👍🏻食落好香栗子味，唔係出面個假死甜，栗子蓉仲帶有少少栗子粒，不過啲cream有少少甜，整體偏甜，如果減啲糖可能會好啲👍🏻鹹點方面有4種迷你bagel，包好有咬口，個人幾鐘意，整體唔錯。其他野食都正正常常，冇伏，值得一試。