妹記大排檔 (Closed)

黎尖沙咀，我會選擇妹記，午餐有好多選擇，人唔多，空間大，坐得舒服。更難得既係，服務好細心!台上已有茶，紙巾，都好乾淨。叫了個蠔仔泡飯，入面驚喜地有脆豬皮，講真，不是度度會加了。蠔仔泡飯送上，阿姐好細心咁俾埋胡椒粉我，平時餐廳叫先有，妹記服務真係好，諗埋你既需要，仲包埋湯&汽水，湯係粉郭湯，足料，飲得出無溝水。我見隔離台叫既炒麵，D麵脆卜卜，好吸引，差D想買多個外賣返屋企。尖沙咀黎講，40蚊既價錢，加好既服務，實在值得推薦。