Masala Hut & Cafe (Closed)

同男朋友喺尖沙咀行街 無意中留意到地下嘅廣告 見到午市自助餐只需要百幾蚊 我不嬲都好鍾意食印度薄餅點咖哩 所以就嚟咗試下餐廳應該係新開 所以所有裝修擺設依然好新淨同乾淨 播上柔和嘅音樂 氣氛令人舒適 而且張櫈都好好坐自助餐種類雖然唔算多沙律主食連甜品 大概十種左右 例如有春捲 咖哩雞 印度烤雞 薯仔茄子 炸魚 燉牛尾等等 但所有嘢調味都好好 亦適合香港人嘅口味 開頭見出面冇薄餅拎有少少失望 但係坐咗冇耐 店員就為每枱送上一份原味薄餅同一份蒜味薄餅 啱啱烤起嘅薄餅脆卜卜 點埋咖哩食真係超級好味除此以外跟餐仲會配每人一杯Soft Drink 可以揀凍檸茶或者Lime Soda 唔會過甜又冰涼 啱曬我哋口味本身以為樓上舖會冇乜人氣 但當日星期六其實坐咗一個鐘左右已經全場爆滿 當然食過之後都會明呢度受歡迎嘅原因 因為真係又抵食又好食 十分推介