Espuma (H8) (Changed Hand) New Restaurant

係Openrice見到有午市3人同行1人免費優惠，反正係附近返工，近近地一於黎試下。套餐方面有8個選擇，價錢由$78起，除左餐湯沙律同飲品，仲有甜品食。我同兩個同事分別叫左烤肉眼牛扒、 香煎大蝦辣茄醬意粉同厚切豬扒配黑醋芥末汁 。牛扒以$128呢個價錢黎講，性價比高，份量足夠。厚切豬扒肉質唔錯，都算幾鬆軟juicy。意粉方面，香辣伴蕃茄嘅酸甜味道很好，大蝦彈牙，但得一隻唔係幾夠喉。午市黎講係一個不錯嘅選擇。